Трэці анлайн-марафон у падтрымку медыкаў. Беларускія артысты зноў праспяюць у студыі СПАМАШа

Трэці анлайн-марафон "БеларусьБезCOVID" збярэ грошы для 10-й гарадской клінічнай бальніцы Мінска і абвесціць аб зборы даных донараў плазмы для лячэння заражаных. Дабрачынны канцэрт пачнецца апоўдні. Лідар групы "Лепрыконсы" Ілья Міцько дасць старт эстафеце, а пазней у студыі гукапісу праспяюць Вікторыя Алешка, Іна Афанасьева, Юзары і Дзядзька Ваня. Частку марафона правядуць знакамітыя тэнісісты - Арына Сабаленка і Ягор Герасімаў, а дацкі спявак Томас Невергрын дасць міні-канцэрт па відэасувязі. Прамыя ўключэнні будуць весціся і з 10-й гарадской бальніцы. Трансляцыя пройдзе без прыпынкаў да 8 вечара на YouTube-канале прадзюсарскага цэнтра СПАМАШ. Нагадаем, папярэднія анлайн-марафоны праслухала больш як 260 тысяч гледачоў, а для закупкі ахоўных сродкаў медпрацаўнікам было сабрана каля 70 тысяч беларускіх рублёў.