Цэнтр дадатковай адукацыі "Ранак" адкрыўся пасля маштабнай рэканструкцыі

Яшчэ адзін падарунак да Дня горада ў Маскоўскім раёне сталіцы. Пасля маштабнай рэканструкцыі адкрыўся цэнтр дадатковай адукацыі дзяцей і моладзі "Ранак". І не проста асвяжылі фасад - сучаснай тэхнікай абсталявалі камп'ютарныя класы, адрамантавалі спартыўныя залы, кабінеты керамікі, тэхнічнай творчасці, картынга і іншыя. Рэстаўрацыйныя работы закранулі не толькі асноўны будынак. У цэнтра з'явілася свая глядзельная зала на 360 месцаў.

Для развіцця спартыўных здольнасцяў дзяцей - шматфункцыянальныя пляцоўкі для валейбола, баскетбола і варкаўта. Прыемным дадаткам стаў і новы стадыён для хакея на траве. Поле з сучасным штучным пакрыццём - штуршок для развіцця гэтага спартыўнага напрамку.

Ужо больш за 40 гадоў "Ранак" раскрывае творчыя здольнасці дзяцей. Пад адным дахам працуюць амаль паўтысячы аб'яднанняў па інтарэсах. Сёння ў іх займаюцца больш за 6 тысяч навучэнцаў.