Туніс - у ліку краін, якія перамаглі COVID-19

Улады Туніса заявілі пра поўную перамогу над каранавірусам. У краіне фіксуюцца толькі адзінкавыя выпадкі заражэння, ды і тыя патроху памяншаюцца. Цэлыя рэгіёны ўжо цалкам пазбавіліся ад эпідэмічнай небяспекі, у сувязі з чым Туніс адкрывае 27 чэрвеня межы і аднаўляе авіяпералёты.

Грэцыя ўжо сёння прымае першых турыстаў. Пасажыраў у аэрапорце чакае тэсціраванне на COVID-19. Калі тэст будзе дадатным, турыста адправяць у бальніцу.

Міжнародныя рэйсы сёння аднавілі і авіякампаніі Украіны. Вылецець пакуль можна толькі ў краіны, якія адкрылі межы для замежнікаў, напрыклад, у Турцыю, Албанію або Чарнагорыю. Ажыццяўляць палёты ў Кіеў і Адэсу зноў пачала Белавія. Праўда, беларусаў чакае пасля прыбыцця ўкраінскі двухтыднёвы карантын.

У Беларусі на сёння паправіліся і выпісаныя 30 420 пацыентаў, у якіх раней быў пацверджаны дыягназ COVID-19. Зарэгістраваныя 54 680 чалавек з дадатным тэстам на каранавірус. Усяго праведзена 749 917 даследаванняў. За ўвесь перыяд распаўсюджвання інфекцыі на тэрыторыі краіны памерлі 312 пацыентаў з шэрагам хранічных захворванняў з выяўленым COVID-19.