Турыстычная галіна пачынае паступовы выхад з крызісу

Аб гэтым сёння гаварылі на прэс-канферэнцыі ў Міністэрстве спорту і турызму. Асноўная задача зараз - выратаваць грошы беларускіх падарожнікаў. У гэтым пытанні справы ідуць добра. 85% кліентаў знайшлі кампрамісы з турфірмамі: камусьці вярнулі грашовыя сродкі, камусьці перанеслі пуцёўкі на іншы час.

Таксама прадстаўнікі дэпартамента адзначылі ўзрослы попыт на ўнутраны турызм. У прыватнасці, павялічылася наведванне аграсядзіб.

З 12 чэрвеня беларусы ўжо могуць адпачываць у Албаніі, у пачатку ліпеня плануецца аднаўленне палётаў па турэцкіх і егіпецкіх кірунках.