У Мінску заўважаны першыя елкі. Раскажам, дзе

Новы год да нас імчыцца ў лістападзе. Першыя елкі пачалі ўсталёўваць на вуліцах Мінска.

Пакуль штучныя зялёныя дрэвы суседнічаюць з залатымі бярозамі і тым самым дораць прадчуванне чароўнага свята. Сімвал Новага года ўжо "расце" ў мікрараёне Брылевічы - на скрыжаванні вуліц Яна Чачота і Напалеона Орды.

Відэа падзяліліся гледачы "Першага інфармацыйнага". Спачатку спецыялісты ўсталявалі каркас, апранулі яго ў хвойную сукенку, наступны этап - дэкор святочнага дрэва. Яго ўпрыгожаць мноствам рознакаляровых шароў і цацак, яркіх фарбаў дададуць гірлянды.