У Валожыне пасля рэканструкцыі адкрыўся будынак іешывы. Раскажам, як зараз выглядае духоўны прытулак

Новы аб'ект з’явіўся на гісторыка-культурнай карце Беларусі. У Валожыне пасля рэканструкцыі адкрыўся будынак іешывы.

Дарэчы, іўдзейскай вышэйшай навучальнай ўстанове больш за 2 стагоддзі.

Падчас цырымоніі адкрыцця яе экспазіцыю папоўніла Тора.

Павышаная цікавасць перш за ўсё да самога Валожына. Нядаўна ён быў сталіцай фестывалю-кірмашу хлебаробаў Мінскай вобласці "Дажынкі" і істотна папрыгажэў, а будынак іешывы ўзмоцніць яго турыстычны патэнцыял. Тым больш што і знаходзіцца ён у самым цэнтры горада.

Гэта кампактны і ўтульны будынак, стыльны, але пры гэтым архітэктурна аскетычны, без асаблівых упрыгажэнняў. Зрэшты, самая вялікая каштоўнасць унутры. Адным з першых з ёй азнаёміўся і губернатар Мінскай вобласці Аляксандр Турчын. Багатая экспазіцыя іешывы прываблівае: тут нямала арыгінальных рукапісаў, прадметаў побыту іўдзейскай культуры. Плюс магчымасць акунуцца ў старажытнасць з дапамогай тэхналогіі віртуальнай рэальнасці.

Адным з ключавых момантаў сённяшняй прэзентацыі іешывы стала перадача галоўнай свяшчэннай кнігі іўдаізма - Торы. Яна заняла асаблівае месца ў зале. З такой нагоды ў Валожын спецыяльна прыехалі бізнесмены, рэлігійныя дзеячы, дыпламаты Дзяржавы Ізраіль.

У Валожынскім раёне таксама праходзіць нямала пазнавальных экскурсій. З новым іміджам самога горада і з'яўленнем у ім абноўленай іешывы ёсць дадатковая нагода ўнесці гэта месца ў свой турыстычны маршрут.