У беларускіх абаронцаў Радзімы расце годная змена: завяршыўся першы ваенна-палявы збор выхаванцаў патрыятычных клубаў

Завяршыўся першы ваенна-палявы збор выхаванцаў патрыятычных клубаў унутраных войскаў. У ім бралі ўдзел 170 юнакоў і дзяўчат. У строі - прадстаўнікі 17 каманд з усёй Беларусі.

На працягу тыдня ўдзельнікі змагаліся ў ваенізаванай эстафеце, сілавым конкурсе, а таксама адточвалі майстэрства ў стральбе з пнеўматыкі і гулялі ў "Паланіцу". Юныя патрыёты выявілі сябе ў творчасці і інтэлектуальных конкурсах.

Былі не толькі спартыўныя спаборніцтвы. Падчас збораў удзельнікі ваенна-патрыятычных клубаў сустракаліся са знакавымі для Беларусі людзьмі, хадзілі на экскурсіі ў Нацыянальную бібліятэку і музей Вялікай Айчыннай вайны. Ну і, вядома, не абышлося без дыскатэкі і песень ля вогнішча.