"UNISTAR-2022" - Адкрытая міжпрадметная алімпіяда школьнікаў

Час алімпіяд! Школьных, раённых і тых, што ладзяць вышэйшыя навучальныя ўстановы. Адукацыйныя спаборніцтвы, мэта якіх пошук асабліва адораных дзяцей, закранулі ўвесь цыкл прадметаў. Конкурс паміж таленавітымі школьнікамі прайшоў і ў гімназіі № 38 г. Мінска. Ужо сёмы раз установа сабрала вучняў на міжпрадметную алімпіяду пад назвай "UNISTAR".

Удзельнікамі міжпрадметнай алімпіяды сталі больш за 320 дзяцей. Гэта вучні сярэдніх навучальных устаноў не толькі сталіцы, але і з усёй краіны. У фінал выйшлі амаль паўтары сотні школьнікаў. Іх узнагародзілі граматамі, дыпломамі і медалямі.

Асаблівасць сёлетняй міжпрадметнай алімпіяды ў тым, што ўзнагародамі адзначаны ўсе без выключэння прадметныя напрамкі. Усе вучні атрымалі дыплом знаўцы. Віншаванні і падзякі прымалі таксама педагогі, якія займаліся з дзецьмі.