Пайшоў з жыцця Герой Беларусі Васіль Равяка

Сёння на 76 годзе пайшоў з жыцця Васіль Равяка - Герой Беларусі, заслужаны аграрый краіны, відны дзяржаўны дзеяч. З 1995 года ён узначальваў адну з лепшых гаспадарак краіны - СВК "Прагрэс-Верцялішкі". Васіль Апанасавіч карыстаўся заслужаным аўтарытэтам і павагай у грамадстве, быў дэпутатам усіх узроўняў, у тым ліку і Савета Рэспублікі Нацыянальнага сходу Беларусі, мае шматлікія дзяржаўныя ўзнагароды. А ў сакавіку 2006 года за выключныя заслугі ў сацыяльна-эканамічным развіцці рэспублікі яму прысвоілі званне "Герой Беларусі".

Спачуванне родным і блізкім Васіля Рявякі накіраваў Прэзідэнт. Аляксандр Лукашэнка адзначыў ініцыятыўнасць Васіля Апанасавіча, яго любоў да роднай зямлі, павагу да чалавека працы, высокія маральныя прынцыпы і шчырае імкненне ўмацоўваць аўтарытэт беларускай дзяржавы. Светлая памяць аб Героі Беларусі на доўгія гады захаваецца ў гісторыі краіны, сэрцах і справах сучаснікаў.