У Беларусі больш за мільён аўтамабіляў прайшлі тэхагляд з пачатку года

Лічбы значна перавышаюць вынікі папярэдняга перыяду: за 2020-ты ўсяго выдалі каля 700 тысяч дазволаў. А ў ліпені да дарожнага руху дапусцілі крыху больш за сотню тысяч машын - гэта амаль удвая больш, чым за аналагічны перыяд мінулага года.

Нагадаем, што легкавыя аўтамабілі, якія выкарыстоўваюцца ў камерцыйных перавозках пасажыраў, павінны праходзіць дзяржтэхагляд адзін раз у паўгода. Аўтамабілям, старэйшым за 10 гадоў, неабходна атрымліваць допуск кожныя 12 месяцаў. А машынам маладзейшым - адзін раз у два гады.