У Беларусі праходзіць вывучэнне папуляцыйнага імунітэту да COVID-19

2 238 добраахвотнікаў ужо паўдзельнічалі ў праекце па вывучэнні імунітэту да каранавірусу.

Даследаванне праводзіць Міністэрства аховы здароўя сумесна з Расспажыўнаглядам. Усяго ж у тэсціраванні на антыцелы да COVID-19 - як плануецца - прымуць удзел больш як 12 тысяч чалавек ва ўзросце ад года і вышэй. Спіс валанцёраў ужо сфарміраваны. Пункты забору крыві працуюць з 8 раніцы і да 8 вечара кожны дзень, акрамя нядзелі. За 2-4 гадзіны да здачы аналізу ўдзельнікам рэкамендуюць не ўжываць ежу.

Тэсціраванне на антыцелы будзе праходзіць да 19 мая. Для жыхароў Беларусі яно бясплатнае. Вынікі ўдзельнікі даследавання атрымаюць з 20 па 21 мая.

Даследаванне будзе праходзіць практычна да канца года ў 3 этапы. Наступныя два пройдуць з інтэрвалам у 3 месяцы. У Міністэрстве аховы здароўя адзначылі: наяўнасць антыцелаў не ўплывае на паказанне да вакцынацыі.