У Беларусі спынілі дзейнасць міжнароднай злачыннай групы, датычнай да сексуальнай эксплуатацыі дзяцей

У Мінску спынілі дзейнасць міжнароднай злачыннай групоўкі. З верасня 2017 года па люты 2021-га яна займалася сексуальнай эксплуатацыяй непаўналетніх. Змоўшчыкі здымалі і манціравалі відэа. Вядома пра амаль дваццаць пацярпелых дзяўчынак ва ўзросце ад 5 да 15 гадоў. Паведамляецца, што ў некаторых выпадках маці самі прыводзілі сваіх дзяцей на здымкі і назіралі за працэсам. Паводле звестак міліцыі, ценявы бізнес арганізаваў украінец, у якога ёсць пасведчанне на права жыхарства ў Беларусі. Мужчына жанаты і сам з'яўляецца бацькам. Вядома, што ён адкрыў ІП на сваю жонку і працаваў фатографам, у тым ліку супрацоўнічаў з дзіцячымі мадэльнымі агенцтвамі.

Следчы камітэт з пачатку года выявіў 244 злачынствы супраць палавой недатыкальнасці непаўналетніх. Устаноўлена 199 пацярпелых дзяцей. Па крымінальных справах праходзяць 127 падазроных у педафіліі.