У Беларусі новы бюджэт пражытачнага мінімуму
Аўтар:Рэдакцыя news.by
З 1 жніўня ў Беларусі ўступае ў сілу шэраг змяненняў у сацыяльнай сферы. З сённяшняга дня - новы бюджэт пражытачнага мінімуму. У сярэднім на душу насельніцтва ён складзе 283 рублі і 46 капеек. Гэта плюс 3,7 % да ранейшага памеру. Бюджэт традыцыйна падцягвае за сабою і іншыя надбаўкі.
Так, павялічваюцца памеры дапамогі па доглядзе дзіцяці ва ўзросце да трох гадоў: На першае дзіця выплаты складуць 495 рублёў, на другое і наступных дзяцей - 566, а на дзіця-інваліда - 637 рублёў.
Змяненні закранулі і надбаўкі пенсіянерам: тыя, хто дасягнуў 75 гадоў, будуць атрымліваць 53 рублі, 80 гадоў - амаль 71 рубель. А даплаты на доглядзе пенсіянераў, якія дасягнулі 80-гадовага ўзросту, складуць 35 рублёў.