У Беларусі сёння апошні званок для навучэнцаў 9 і 11 класаў

Доўгачаканы і асаблівы дзень для выпускнікоў школ і гімназій. Сёння для вучняў празвініць апошні званок. У 2020-2021 навучальным годзе ў Беларусі ў 9-х класах навучаюцца больш за 90 тысяч хлопчыкаў і дзяўчынак, у 11-х класах - амаль 52 тысячы. Менавіта столькі выпускнікоў прыйдзе сёння на ўрачыстыя лінейкі.

Святкаванне заканчэння навучальнага года і школы пройдзе ў традыцыйным фармаце - на адкрытай пляцоўцы. Міністэрства аховы здароўя рэкамендуе пры правядзенні святочных мерапрыемстваў выконваць санітарна-эпідэміялагічныя нормы. Школьныя іспыты пачнуцца ўжо 1 чэрвеня і прадоўжацца да 8-га. Пасля іх 10 чэрвеня будуць арганізаваны выпускныя вечары.