У Беларусі стартавала дабрачынная акцыя ў падтрымку асаблівых дзяцей

Кінуць выклік асабістым дасягненням і пры гэтым дапамагчы дзецям. У Беларусі стартавала дабрачынная акцыя ў падтрымку асаблівых дзяцей. Першай дыстанцыяй для яе ўдзельнікаў стаў схіл у Лагойскім раёне, што вядзе да сонца. Гэта сімвалічна: "сонечнымі" называюць дзяцей, народжаных з сіндромам Даўна. Удзельнікам акцыі можа стаць кожны. Для гэтага неабходна з 21 па 24 чэрвеня апублікаваць вынікі бегавой трэніроўкі ў сацсетках з указаннем пэўнага хэштэга.

Кожны кіламетр арганізатары акцыі ператвораць у грошы, якія паступяць на рахунак сталічнага дзіцячага дома-інтэрната для дзяцей-інвалідаў з асаблівасцямі псіхафізічнага развіцця.