У Беларусі стартавала дабрачынная акцыя ў падтрымку асаблівых малышоў

Выклік уласным дасягненням і дапамога дзецям. У Беларусі стартавала дабрачынная акцыя ў падтрымку асаблівых малышоў. Першай дыстанцыяй для ўдзельнікаў стаў схіл у Лагойскім раёне. Далучыцца да акцыі можа кожны - апублікаваць вынікі сваёй бегавой трэніроўкі ў сацыяльных сетках.

Антон Бладзік, арганізатар дабрачыннай акцыі: 

"Такія акцыі аб'ядноўваюць людзей рабіць добрыя справы. Тым больш калі робіш добрыя справы праз спорт - гэта яшчэ лепш. Беларусы - спартыўная нацыя, і я заклікаю ўсіх бегаць. Бег зараз у трэндзе, гэта модна. Таму трэба бегчы, трэба дапамагаць тым, хто ў гэтым мае патрэбу, трэба рабіць добрыя, сонечныя справы і рабіць гэта ад чыстага сэрца".

Кожны кіламетр арганізатары акцыі пералічаць у фінансы, яны паступяць на рахунак Мінскага дзіцячага дома-інтэрната для дзяцей-інвалідаў з асаблівасцямі псіхафізічнага развіцця.