У Беларусі завяршылася ўступная кампанія

Прахадныя балы сёлета апынуліся вышэйшымі. Напрыклад, на педагагічныя спецыяльнасці рост ад 20 да 40 пазіцый. Больш за палову абітурыентаў, якія падалі дакументы ў БДУ на бюджэт, мелі бал вышэйшы за 300. Сярэдні вынік усіх, хто паступіў у гэту ВНУ, склаў 322. Дзяўчына, якая набрала рэкордных 400 балаў, паступіла на факультэт міжнародных адносін. І ў цэлым у топе застаецца спецыяльнасць "міжнароднае права", а таксама "інфарматыка і тэхналогіі праграміравання", "стаматалогія" і шэраг педагагічных і тэхнічных спецыяльнасцяў. Нагадаем, уступную гонку наступнага года можна адважна лічыць адкрытай, бо сертыфікаты 2018 года будуць сапраўдныя наступным летам.