У Брэсцкай крэпасці адкрылася выстава аб генацыдзе беларускага народа

У Брэсцкай крэпасці напярэдадні Дня Вялікай Перамогі адкрылася выстава аб генацыдзе беларускага народа. Экспазіцыя "Мы памятаем" знаходзіцца ў музеі на тэрыторыі Усходняга форта. Падрыхтавалі яе супрацоўнікі мемарыяльнага комплексу, выкарыстоўваючы дакументы, якія пракуроры ўстанавілі падчас расследавання крымінальнай справы аб генацыдзе. Многія экспанаты дэманструюцца ўпершыню, у тым ліку і рэчы з месцаў масавых пахаванняў забітых фашыстамі жыхароў Брэста і наваколляў.

Толькі ў Брэсцкай вобласці выяўлена 26 раней невядомых месцаў знішчэння мірных грамадзян. Больш за 800 населеных пунктаў рэгіёна былі сцёртыя з твару зямлі. І гэта лічбы не канчатковыя.