У Брэсцкай вобласці пачалі сеяць кукурузу

Сяўбу кукурузы пачала Брэсцкая вобласць. У гэтым сезоне пад культуру адведзена 220 тысяч гектараў. Аднымі з першых працэс пачалі гаспадаркі Брэсцкага раёна. Сяўба ідзе з выкананнем усіх тэхналогій. Перад тым як пакласці насенне ў зямлю, мераюць тэмпературу глебы. Аптымальная - 10-12 градусаў. Сёлета вясна зацяжная, але, па словах спецыялістаў, пакуль яны ўкладваюцца ў тэрмін.

Сяўбу кукурузы пачалі і на поўначы вобласці. У Баранавіцкім раёне сёлета пад зерне засеюць 2 тысячы гектараў палёў.