У гонар Дня Незалежнасці Беларусі ў Маскве адбылося ўскладанне вянка да Вечнага агню

Цырымонія ўскладання вянка да Вечнага агню ў гонар Дня Незалежнасці Беларусі адбылася ў расійскай сталіцы. Ва ўрачыстым мерапрыемстве прынялі ўдзел Надзвычайны і Паўнамоцны Пасол Беларусі ў Расіі Дзмітрый Крутой, прадстаўнікі Пастаяннага камітэта Саюзнай дзяржавы, іншых інтэграцыйных органаў, расійскія парламентарыі, беларускія дыпламаты. Удзельнікі цырымоніі ўсклалі таксама кветкі да памятных знакаў "Горад-герой Мінск" і "Брэсцкая крэпасць-герой" на алеі гарадоў-герояў у Аляксандраўскім садзе. Цырымонія завяршылася ўрачыстым маршам роты ганаровай варты пад гукі ваеннага аркестра.