У Дзень Незалежнасці зменіцца расклад руху пасажырскага транспарту і падземкі

У Дзень Незалежнасці зменіцца расклад руху пасажырскага транспарту. Наземны будзе курсіраваць па графіку нядзелі. Для зручнасці пасажыраў арганізуюць і дадатковыя маршруты па самых запатрабаваных напрамках.

Падземка таксама зменіць графік. Трэцяга ліпеня станцыі метро будуць прымаць пасажыраў з 5:30 раніцы да 00:40 хвілін - 4 ліпеня. У ноч з 3-га на 4-ае - станцыі "Кастрычніцкая", "Няміга", "Фрунзенская" і "Маладзёжная" закрыюцца на ўваход у 00:50. У святочны дзень - з 9:00 і да завяршэння работы метрапалітэна інтэрвал руху цягнікоў на 1-й і 2-й лініях складзе 5 хвілін, а на 3-й ветцы з 10:00 і да завяршэння курсіравання метро - 8 хвілін.