У ЕС прынята рашэнне забараніць палёты над тэрыторыяй Беларусі

Такія рэйсы ўжо спынілі шэраг авіякампаній, у тым ліку AirBaltic, LOT, WizzAir, Finnair, ArFrance. Украіна таксама вырашыла далучыцца да байкоту. З 26 мая Кіеў спыняе авіязносіны з Мінскам і забараняе палёты сваім авіякампаніям над беларускай тэрыторыяй.

Кіраўніцтва Міжнароднага аэрапорта Кіеў назвала гэта вялікай стратай з пункта погляду бізнесу. Беларускія рэйсы прыносілі паветранай гавані, якая зараз перажывае не лепшыя часы, 10 % пасажырапатоку. Зараз ад спынення авіязносін з Беларуссю аэрапорт страціць каля 400-500 пасажыраў за суткі.