У Генпракуратуры Беларусі адзначаюць павелічэнне выпадкаў незаконнага ўвозу ў краіну траўматычнай зброі

Генеральная пракуратура Рэспублікі Беларусь адзначае павелічэнне выпадкаў незаконнага ўвозу ў нашу краіну траўматычнай зброі. За апошні месяц у дачыненні да 9 чалавек узбуджана 18 крымінальных спраў па артыкулах аб незаконнай перавозцы агнястрэльнай зброі траўматычнага дзеяння і перамяшчэнні праз дзяржаўную мяжу Беларусі. Абарачэнне такой зброі і патронаў, за выключэннем іх транзітнага перамяшчэння праз мяжу ЕАЭС у Беларусь з дазволу органаў унутраных спраў, забаронена.

Злачынствы такога роду адносяцца ў Рэспубліцы Беларусь да катэгорыі цяжкіх. Парушальнікі зараз знаходзяцца пад падпіскай аб невыяздзе.