У Гомельскім раёне скончылася змена шаснаццатага Рэспубліканскага дзіцячага палявога лагера "Ратавальнік-2021"

Вячоркі ля вогнішча і ўражанні на ўсё жыццё. У Гомельскім раёне скончылася змена шаснаццатага Рэспубліканскага дзіцячага палявога лагера "Ратавальнік-2021". Хлопчыкі і дзяўчынкі прайшлі нямала выпрабаванняў на спрыт, хуткасць і кемлівасць. Насычаная праграма ўключала ў сябе праходжанне паласы перашкод, аказанне медыцынскай дапамогі, а таксама афармленне палатачнага гарадка. Былі конкурсы і на трапнасць, напрыклад, стральба з пнеўматычнай вінтоўкі. Але галоўнае - усе тут трэніравалі свае навыкі ў галіне бяспечнай жыццядзейнасці і вучыліся працаваць у камандзе.

Не важна, якую прафесію выберуць юныя ратавальнікі, галоўнае, што атрыманыя веды спатрэбяцца ў жыцці. І, вядома ж, дзеці займелі новых сяброў і атрымалі зарад пазітыўных эмоцый.