У Гомельскім рэгіёне з-за засухі пачынаюць мялець рэкі

У Беларусі з-за засухі ў Гомельскім рэгіёне пачынаюць мялець рэкі. На некалькіх ужо адзначаецца падзенне ўзроўню вады да адзнак, пры якіх рух суднаў становіцца небяспечным. Так Днепр на ўчастку ад Магілёва да Рэчыцы ўжо апусціўся да мінімуму. Тая ж сітуацыя і на Сожы. У найбліжэйшыя два дні гідролагі прагназуюць абмяленне Дняпра на ўсёй працягласці. Такая ж доля чакае Бярэзіну.

Ад небяспечных значэнняў пакуль далёкая толькі Прыпяць. У цэлым кожны дзень узровень вады падае ў сярэднім на 7 сантыметраў. Гэта адбываецца амаль кожнае лета.