У Гродзенскім заапарку папаўненне - тры малыя камерунскія казы

Вясновае папаўненне ў Гродзенскім заапарку. Камерунскія козы прынеслі патомства. Адразу тры малыя нарадзіліся напрыканцы лютага, яшчэ два казляняці - напрыканцы сакавіка. Пасля неабходнага каранціну спецыялісты выпусцілі гадаванцаў у адкрытывальер. І зараз іх могуць убачыць усе ахвотнікі. Заходнеафрыканская парода добра вядомая ў Еўропе. Камерунскія козы ўмеюць залазіць на скалы і на дрэвы. Жывёлы нават паддаюцца дрэсіроўцы. У заалагічным садзе пастараліся стварыць для іх умовы, як у асяроддзі пасялення.

Камерунскія козы не апошняе папаўненне ў Гродзенскім заапарку. Традыцыйна вясной ў капытных бум нараджальнасці.