У Гродне сёння ўсклалі кветкі ля помніка курсантам-пагранічнікам

У рамках рэспубліканскай акцыі "Беларусь памятае. Памятаем кожнага" студэнты і выкладчыкі Гродзенскага ўніверсітэта імя Янкі Купалы сёння ўсклалі кветкі ля помніка курсантам-пагранічнікам у лесапарку Пышкі ў Гродне. Тут у першы бой з фашыстамі 22 чэрвеня 1941 года ўступілі курсанты, якія прыбылі ў Гродна ў летнія лагеры. У сярэдзіне 80-х падчас раскопак былі знойдзены астанкі вайскоўцаў, усталяваны абеліск. У 2008 годзе помнік аднавілі.