У Камянецкім раёне другі дзень шукаюць 4-гадовую дзяўчынку

4-гадовую Маю Любімцаву, якая прапала ў Брэсцкай вобласці, шукаюць другі дзень. Пошукі дзіцяці вяліся ўсю ноч. У вышуковай аперацыі задзейнічаны міліцыя, супрацоўнікі МНС, валанцёры з усёй Беларусі, мясцовыя жыхары.

Нагадаем, днём 1 ліпеня з двара дома ў аграгарадку Пелішча Камянецкага раёна дзяўчынка пайшла ў невядомым напрамку. Яе пошукі вядуцца дагэтуль. Вядома, што дзіця не размаўляе. Дзяўчынка была апранутая ў чорную майку.

Любую інфармацыю аб месцазнаходжанні Маі можна паведаміць па тэлефоне +375 (44) 791-20-03, а таксама па нумарах 102 або 112.