У мікрараёне Малінаўка адкрылі сучасны шматфункцыянальны комплекс

Яшчэ адзін спартыўны пункт на карце сталіцы. У мікрараёне Малінаўка адкрылі сучасны шматфункцыянальны комплекс. У прасторных залах змогуць рыхтавацца да спаборніцтваў прафесійныя спартсмены-фігурысты, весляры, акрабаты. Скарыстацца сучаснымі трэнажорамі змогуць і звычайныя гараджане: комплекс размешчаны ў студэнцкай вёсцы на месцы былога фуд-корта II Еўрапейскіх гульняў. Таксама ў спартыўным цэнтры можна арандаваць палі для гульняў у футбол, баскетбол, гандбол. Прадугледжаная і зона буфета, яна ўжо адкрылася.