У Мінску навальніца чакаецца сёння з 20 да 23 гадзін

Неспрыяльныя метэаўмовы і аранжавы ўзровень небяспекі аб'явілі на другую палову дня сіноптыкі. У Мінску навальніца чакаецца сёння з 20 да 23 гадзін. Кароткачасовыя навальнічныя дажджы магчымы і ў начныя гадзіны.

А на тыдні ў сталіцы і вобласці захаваецца гарачае і засушлівае надвор'е. Тэмпературны фон у асноўным вышэйшы за норму - заўтра ўдзень да + 25 градусаў. У сераду і чацвер метэасітуацыя істотна не зменіцца. Ападкі малаверагодныя. Паводле папярэдніх прагнозаў, у наступныя выхадныя паветра прагрэецца яшчэ больш, на поўдні Мінскай вобласці да + 31.