У Мінску адкрылася выстава мастака Аляксандра Грэся

Новыя экспазіцыі ў сталічным Палацы мастацтва. На выставе "Чым не цуд беларускае Палессе?" мастака Аляксандра Грэся будзе цікава аматарам дэкаратыўна-прыкладнай творчасці. Сярод экспанатаў - вырабы з лазы і саломкі, яны выкананы ў нацыянальным стылі. А краявіды беларускай глыбінкі здольныя здзівіць знаўцаў жывапісу. Яны дапамогуць азнаёміцца з характарам палескай прыроды, не выязджаючы з Мінска.

Аляксандр Грэсь - сусветна вядомы беларускі мастак. На яго рахунку больш чым 30 выстаў на радзіме і за мяжой. Экспазіцыя прымеркавана да 70-годдзя аўтара.