Беларускую медыяпрастору і яе ролю ў кансалідацыі грамадства абмяркоўваюць удзельнікі форуму "СМІ ў эпоху лічбавізацыі"

Супраць Беларусі вядзецца гібрыдная вайна, таму журналістам, якія сёння на перадавой, неабходна знайсці новыя, больш эфектыўныя фарматы працы, каб умела даваць адпор. Сёння ў сталіцы адкрыўся першы форум медыйнай супольнасці Беларусі. На адной пляцоўцы сабраліся кіраўнікі вядучых сродкаў масавай інфармацыі: друкаваных, аўдыявізуальных і інтэрнэт-выданняў, прадстаўнікі благасферы, эксперты ў галіне камунікацый. Тэмы актуальныя, напрыклад, як наладзіць дасведчана і без страт працу журналіста ва ўмовах не проста інфармацыйнай, а гібрыднай вайны. Беларуская медыясупольнасць паспяхова спраўляецца з выклікамі сучаснасці - гэта факт. Зараз задача - узмацніць свае пазіцыі на новых платформах камунікацыі, каб супрацьстаяць шторму фэйкаў.

Медыяфорум падоўжыцца да заўтра. Удзельнікі таксама абмяркуюць такія тэмы, як фэйкі ў электронных СМІ, новыя формы працы журналіста і тэхналагічныя магчымасці развіцця рэгіянальных медыя.