У Мінску прайшла акцыя “Падумай пра іншых. Падзяліся жыццём!”

Сёння ў свеце адзначаюць Дзень донара. Мінчанам прапанавалі падумаць пра іншых і падзяліцца жыццём. Акцыя пад такой назвай адбылася ў адным з гандлёва-забаўных цэнтраў. Удзельнікамі сталі больш за паўсотні чалавек. Мабільную станцыю збору донарскай крыві абсталявалі ўрачы РНПЦ трансфузіялогіі. Большасць донараў вырашылі здаць кроў на дабрачыннай аснове.

У маі ў Мінску адкрыўся новы корпус Гарадскога цэнтра трансфузіялогіі. Штодзень аддзяленне прымае да ста донараў. А ўвогуле ў Беларусі - каля ста тысяч донараў крыві.

Зараз у парламенце прапрацоўваецца пытанне аб пашырэнні сацыяльных гарантый для донараў, якія здаюць кроў бязвыплатна.