У Мінску правяраюць гатоўнасць устаноў адукацыі да навучальнага года

Абноўленая мэбля, падручнікі і ўкамплектаваны штат. У сталіцы правяраюць гатоўнасць устаноў адукацыі да навучальнага года. Пад пільнай увагай камісій як вонкавы выгляд будынкаў, так і ўнутранае абсталяванне. У школах мяняюць камунікацыі, вокны, дахі. Абнаўляюць мэблю, спартыўныя залы, кабінеты. Правяраюць і стан харчаблокаў. Акрамя бытавой гатоўнасці, сёлета акцэнт на бяспеку дзяцей. Ва ўсіх мінскіх школах да пачатку навучальнага года правераць турнікеты. Яны будуць прапускаць у будынак па электронных картах, адпячатках пальцаў або счытваць асобу.

Сертыфікаты гатоўнасці ўстановы сярэдняй адукацыі сталіцы павінны атрымаць да 15 жніўня. Усяго ў цэнтральным рэгіёне іх 243.