У мінскіх паліклініках з'яўляюцца цэнтры здароўя

Гэта аддзяленні, дзе можна прайсці экспрэс-абследаванне - памераць ціск, узровень глюкозы і халестэрыну ў крыві, зрабіць электракардыяграму, а таксама атрымаць кансультацыю псіхолага. Па выніках агляду складаюць рэкамендацыі або накіроўваюць да вузкіх спецыялістаў. Такая форма працы ў першую чаргу разлічана на жыхароў, якія больш за год не наведвалі ўрачоў.

Пілотны праект стартаваў у 14 і 34 паліклініках Мінска. У перспектыве цэнтры здароўя з'явяцца ва ўсіх медыцынскіх установах такога напрамку.