У Мінскай вобласці ліквідуюць наступствы навальнічнага фронту

У Мінскай вобласці ліквідуюць наступствы навальнічнага фронту, які напярэдадні прайшоўся па ўсёй краіне. Найбольш прыродная стыхія закранула паўночна-заходнія раёны. З-за парывістага ветру да 20 метраў за секунду паваліла дрэвы ў Вілейскім і Мядзельскім раёнах. Не пашкадаваў шторм і дахі дамоў, а таксама сельгаспабудоў у гэтых, а таксама ў Маладзечанскім раёне. Усяго, паводле інфармацыі ратавальнікаў, пашкоджана каля трох дзясяткаў дахаў. Пацярпелых няма.