Пытанні якасці амбулаторнага лячэння, забеспячэння лекамі і працаўладкавання ўзнялі на прамой тэлефоннай лініі

Дапамагчы ў вырашэнні вострых праблем. У цэнтральным рэгіёне сёння пачалі дзейнічаць тэматычныя прамыя тэлефонныя лініі. На сувязі з грамадзянамі будуцьпрадстаўнікі кіраўніцтва Мінскай вобласці і адміністрацый раёнаў.

Нумары тэлефонаў размешчаны на сайтах мясцовых органаў улады. Такі фармат дазваляе максімальна аператыўна адрэагаваць на просьбы жыхароў рэгіёна і адказаць на самыя розныя пытанні, што тычацца сферы будаўніцтва, жыллёва-камунальнай гаспадаркі, транспарту, гандлю і адукацыі. Так, сёння на прамой тэлефоннай лініі ў аблвыканкаме ўзнялі пытанні якасці амбулаторнага лячэння, забеспячэння лекамі і працаўладкавання.

Даступнасць медыцыны ў Мінскай вобласці паляпшаецца. Толькі з пачатку года сярод новых аб'ектаў дзіцячая паліклініка ў Жодзіне, хірургічны корпус у Валожыне. Хутка адкрыюць новыя кабінеты КТ у Маладзечне, Стоўбцах і Дзяржынску.