У Маладзечанскім раёне педагагічныя класы дапамагаюць вызначыцца з будучай прафесіяй

Калі настаўнікі яшчэ самі вучні. Педагагічныя факультатывы ў школах дазваляюць старшакласнікам вызначыцца з будучай прафесіяй. На тэарэтычных занятках раз на тыдзень юнакі і дзяўчаты вывучаюць дзіцячую псіхалогію і этыкет вядзення ўрока. А на практычных у рэжыме гульні вучаць першакласнікаў. Працэс кантралююць вопытныя настаўнікі.

Першыя педагагічныя класы ў Маладзечанскім раёне з'явіліся пяць гадоў таму. За гэты час некаторыя вучні ўжо вярнуліся ў сцены роднай школы ў якасці настаўнікаў. Вызначыцца з будучай прафесіяй старшакласнікі могуць таксама ў ваенна-патрыятычных, прававых і аграрных класах.