У ноч з 6 на 7 ліпеня беларусы адзначаць Купалле

Купалле - урачыстасць летняга сонцастаяння з багатай шматвекавой гісторыяй. Спрадвеку абрады купальскай урачыстасці дэманструюць яднанне чалавека з прыродай. На Купалу збіраюць кветкі і траву, дзяўчаты плятуць вянкі і варожаць на каханне. Неад'емная частка купальскага свята - гэта карагоды, распальванне вогнішча і пошук папараць-кветкі - кветкі шчасця.

Маляўнічыя купальскія інтэрактывы сёння пройдуць у многіх музеях і на фальклорных пляцоўках Беларусі. Маштабную святочную праграму пад назвай "Ой, як на Купала сонца зайграла" сёння ўвечары правядуць у Маладзечне.