У сталіцы працуюць 8 стацыянарных і 9 сезонных выратавальных станцый

Пляжы сталіцы гатовы да адпачынку мінчан і купальнага сезона. Набярэжныя абсталяваны альтанкамі, раздзявальнямі, а таксама інфармацыйнымі стэндамі. Супрацоўнікі АСВОД інспектуюць акваторыі, нагадваюць пра неабходнасць выканання правіл паводзін на вадзе. Сачыць за бяспекай на вадаёмах дапамагаюць восем стацыянарных выратавальных станцый і дзевяць сезонных мабільных пунктаў дапамогі. Большасць з іх знаходзяцца ў месцах, дзе купацца забаронена. Сярод самых небяспечных - вадаёмы Пціч і Вяча - з-за глыбіні і падводнай плыні.

З пачатку года на вадаёмах сталіцы і вобласці выратавалі 28 чалавек, загінулі 18, у тым ліку двое непаўналетніх. Да дзяцей - асаблівая ўвага. Яны не павінны заставацца ля вады без дарослых.