У сталіцы стартаваў Тыдзень беларускай кухні

Мачанка, бульбяныя лапуны з грыбным соусам і салата з гародніны з дамашнім тварагом. У сталіцы стартаваў Тыдзень беларускай кухні. Спецыяльнае меню да наступнага панядзелка прапануюць амаль 80 сталічных кафэ і рэстаранаў. Стравы шэф-повары прыгатуюць па адзіных рацэптах, кошт іх таксама аднолькавы. Прадугледзелі ў спецыяльным меню і больш лёгкія, летнія стравы - халаднік, салату і бярозавы напой з мёдам.

Сёлета Тыдзень беларускай кухні праходзіць у сталіцы ўжо сямнаццаты раз. Спіс кафэ і рэстаранаў, дзе можна пакаштаваць беларускія стравы, размешчаны на сайце Галоўнага ўпраўлення спажывецкага рынку Мінгарвыканкама.