У сувязі з рэпетыцыяй парада ў цэнтры Мінска сёння будзе абмежаваны рух

У Беларусі працягваецца падрыхтоўка да святкавання Дня Незалежнасці. Рэпетыцыі парада ўжо праходзяць у горадзе. Пакуль трэніроўкі праводзяць вайскоўцы роты ганаровай варты. У сувязі з гэтым сёння ў цэнтры сталіцы будзе абмежаваны рух. З 9 да 11 вечара немагчыма будзе праехаць па праспекце Машэрава ад вуліцы Даўмана да праспекта Пераможцаў. Таму супрацоўнікі ДАІ рэкамендуюць аўтамабілістам загадзя прадумаць маршрут. Наступная рэпетыцыя адбудзецца ў чацвер.