У Талачыне на кансервавым заводзе адкрылі цэх па вытворчасці бульбы фры

У Талачыне на кансервавым заводзе адкрылі цэх па вытворчасці і замарозцы папулярнага фастфуду - бульбы фры. Да гэтага часу Беларусь штогод завозіла 5 тысяч тон бульбяной саломкі. Цэх у Талачыне здольны цалкам закрыць патрэбнасці беларускага рынку ў паўфабрыкаце. Хопіць нашай бульбы фры і замежным спажыўцам - за гадзіну лінія можа ачысціць і нарэзаць чатыры тоны клубняў. Прадпрыемства ўжо адгрузіла 22 тоны замарожанага прадукту ў Расію. Зараз ідуць перамовы з прадстаўнікамі адной з найбуйнейшых у свеце сеткі рэстаранаў хуткага харчавання.

Пад новую вытворчасць у Талачыне пабудуюць сучаснае бульбасховішча з магчымасцю захоўвання клубняў у газавым асяроддзі. Акрамя фры, у цэху будуць замарожваць свежыя ягады, гародніну і грыбы. На лініі створаныя 25 новых рабочых месцаў.