У Жодзіне ўшаноўваюць ветэрана Вялікай Айчыннай вайны Любоў Дубіну

Бясконцая падзяка тым, хто падарыў нам мірнае неба. Ушаноўванне герояў Вялікай Айчыннай вайны працягваецца ў Мінскай вобласці. Сёння прадстаўнікі адміністрацыі, ветэранскіх і моладзевых арганізацый прыехалі ў госці да жыхаркі Жодзіна Любові Іванаўны Дубінай, каб павіншаваць яе з надыходзячым святам - Днём Перамогі. Любоў Іванаўна пачала сваю службу ў шпіталі ў Маскве, потым трапіла на перадавую тэлефаністкай. У складзе 144-й гарматнай артылерыйскай Крычаўскай Чырванасцяжнай брыгады 3-га Беларускага фронту прайшла з цяжкімі баямі праз усю Беларусь да былога Кёнігсберга, дзе і даведалася аб перамозе савецкага народа.

Нядаўна Любові Іванаўне споўнілася 96 гадоў. Віншаванні з Днём Перамогі прымае з радасцю кожны год. На гэты раз ветэрану запомніцца пераможны марш духавога аркестра, выкананы ля яе дома.