У Жорнаўцы прайшоў абласны фестываль для маладых спецыялістаў TourFest-2021

Калі ў лесе з палаткай лепш, чым на моры. TourFest-2021 (абласны фестываль для маладых спецыялістаў) прайшоў у вёсцы Жорнаўка Бярэзінскага раёна. А прысвечаны ён Году народнага адзінства. 3 сотні ўдзельнікаў, 23 каманды цэнтральнага рэгіёна змагаліся ў творчых і спартыўных спаборніцтвах, дэманстравалі тэхніку пешага турызму і фігурнае кіраванне веласіпедам. Праграма злёту насычаная: песні ля вогнішча і размовы "без гальштукаў". А кульмінацыяй стаў вячэрні open air і выступленне кавер-бэнда.

У кожнай камандзе 11 чалавек з розных сфер дзейнасці - ад настаўнікаў да аграрыяў. Згодна з умовамі, усе яны павінны працаваць не больш чым 2 гады.

Па выніках злёту 3-е месца занялі хлопцы з Салігорскага раёна. Серабро заваявала каманда Бярэзінскага раёна-гаспадара. А золата паехала ў Нясвіжскі раён.