"Ваеннаабавязаныя асвояць новую тэхніку". У Беларусі працягваецца праверка боегатоўнасці

У Беларусі працягваецца праверка боегатоўнасці. Зараз ідзе прызыў з запасу ваеннаабавязаных. Мужчыны адпраўляюцца ў воінскія часці Узброеных Сіл для іх укамплектавання.

Нагадаем, старт маніторынгу беларускай арміі далі на гэтым тыдні. Кіраўнік праверкі: начальнік Генеральнага штаба Узброеных Сіл. Асабістаму складу, у тым ліку ваеннаабавязаным з запасу, трэба будзе падрыхтаваць узбраенне і тэхніку да прымянення і выйсці ў прызначаныя раёны.

Аляксандр Шальпук, начальнік 4-га ўпраўлення галоўнага арганізацыйна-мабілізацыйнага ўпраўлення Генштаба УС Беларусі:

"Падчас даных мерапрыемстваў ваеннаабавязаныя асвояць новую тэхніку, адновяць навыкі, якія ў іх былі, калі яны праходзілі тэрміновую службу або службу ў рэзерве. Радасна бачыць, што ваеннаабавязаныя, якія прыбываюць на дадзены курс збору, з задавальненнем ідуць ва Узброеныя Сілы і прымаюць удзел у зборавых мерапрыемствах. Гэта гаворыць пра тое, што наша насельніцтва хвалюецца за лёс краіны, хвалюецца за нашу нацыянальную бяспеку".

Дададзім, што падчас праверкі на службу паступяць грамадзянскія аўтамабілі ад прадпрыемстваў народнай гаспадаркі. Вайскоўцам таксама трэба будзе агледзець і размеркаваць тэхніку ў падраздзяленні.