Вялікабрытанія адмовіла дэлегацыі Беларусі ў візе для ўдзелу ў ПА АБСЕ

Беспардонныя паводзіны працягваюцца. Так, беларускай дэлегацыі адмоўлена ў візе для ўдзелу ў летняй сесіі Парламенцкай асамблеі АБСЕ. Гэту сітуацыю пракаменціраваў старшыня Пастаяннай камісіі Палаты прадстаўнікоў па міжнародных справах Андрэй Савіных.

Паводле слоў дэпутата, заяву на візу падалі ў адпаведнасці з патрабаваннямі брытанскага боку і ў патрэбныя тэрміны. Пры гэтым пад надуманымі крывадушнымі прычынамі ў візе было адмоўлена. Гэта гаворыць "пра вельмі сур'ёзныя працэсы, якія адбываюцца ў свеце і ў міжнародных адносінах пад уплывам краін калектыўнага Захаду". Андрэй Савіных падкрэсліў, што сёння еўрачыноўнікі адмаўляюцца ад сумленнага, адкрытага дыялогу, ад абмену меркаваннямі, разбураючы ўсе традыцыі парламенцкай дыпламатыі і парламенцкага ўзаемадзеяння.

Таксама дэпутат падкрэсліў, што сёння відавочная бескарыснасць заклікаў вярнуцца за стол перамоў, праводзіць узважаную знешнюю палітыку, весці разумны дыялог. Таму зараз мы будзем накіроўваць свае намаганні перш за ўсё на кансалідацыю і праясненне пазіцыі нашых краін, краін-саюзнікаў, у тым ліку Расіі і дзяржаў АДКБ.