Вянкі ў гонар Дня Незалежнасці Беларусі ўсклалі да Вечнага агню ў Маскве

Вянкі ў гонар Дня Незалежнасці Беларусі ўскладзены да Вечнага агню ў Маскве. Ва ўрачыстай цырымоніі прынялі ўдзел Надзвычайны і Паўнамоцны Пасол нашай краіны ў Расіі Уладзімір Сямашка, дзяржаўны сакратар Саюзнай дзяржавы Дзмітрый Мезенцаў, прадстаўнікі Еўразійскай эканамічнай камісіі і іншых інтэграцыйных структур, а таксама беларускай дыяспары і дыпламаты.

Кветкі таксама ўсклалі да памятных знакаў "Горад-герой Мінск" і "Брэсцкая крэпасць-герой", усталяваных на алеі гарадоў-герояў у Аляксандраўскім садзе. Цырымонія завяршылася ўрачыстым маршам роты ганаровай варты пад гукі ваеннага аркестра.