Ветэраны ОУС і ўнутраных войскаў Беларусі святкуюць 30-годдзе сваёй арганізацыі

У гэтай справе былых не бывае! Беларуская грамадская арганізацыяветэранаў органаў унутраных спраў і ўнутраных войскаў адзначае 30-годдзе. З юбілейнай датай ветэранаў павіншаваў Прэзідэнт. Аляксандр Лукашэнка адзначыў, што гэтыя людзі прысвяцілі сваё жыццё высакароднай справе забеспячэння законнасці, правапарадку і грамадскай бяспекі ў дзяржаве, арганізацыі эфектыўнай барацьбы са злачыннасцю і сталі ўзорам адданага служэння краіне і народу для сучасных і будучых супрацоўнікаў падраздзяленняў МУС. Кіраўнік дзяржавы падзякаваў ветэранам за службу і актыўны ўдзел у падрыхтоўцы і выхаванні цяперашняга пакалення салдат правапарадку.