Візітныя карткі і творчыя нумары - фінал конкурсу "Мінскі майстар - 2023" прайшоў у сталіцы

Фінал конкурсу "Мінскі майстар - 2023" прайшоў у сталіцы. Свае прафесійныя навыкі паказалі 9 удзельнікаў - прадстаўнікі цэнтраў сацыяльнага абслугоўвання ўсіх раёнаў горада. Напярэдадні канкурсанты дэманстравалі тэарэтычныя веды, сёння на сцэне - візітныя карткі і творчыя нумары.

Падтрымаць удзельнікаў прыйшлі не толькі калегі, але і падапечныя. Зараз у Мінску працуе 9 цэнтраў сацыяльнага абслугоўвання насельніцтва. Дапамогу гатовы аказаць больш за 400 работнікаў сферы.